භෞතික විද්‍යාව අවබෝධ වෙන්නෙ නෑ...

 ඇල්බට් අයින්ස්ටයින් ගෙ පින්තූරයක්,

ගෙදර බිත්තියේ එල්ලගෙන,

උදේ හවස මල් තියල,

පහන් හඳුන් කූරු පත්තු කරල,

වන්දනාමාන කළාට...

කිසිම කෙනෙකුට භෞතික විද්‍යාව අවබෝධ වෙන්නෙ නෑ...

උබලා කෙල්ලො එක්ක යාලු වෙන්න එපා,

 මේක 2023 කතාවක්.ඒත් මේ කතාවේ අදහස අද වෙනකම් වෙනස් වෙලා නෑ.

අයියලා සෙට් එකත් එකතුවෙලා පොඩි Shot එකක් දාන ගමන් (මම බිව්වෙ නෑ) දාපු පොඩි කතා බහක්.

අයියා කෙනෙක්- මෙතන කවුද උබලගෙන් වෙන job එකක් කරන් නැතුව මේ වැඩේම දිගටම කරන්න බලාගෙන ඉන්න වුන්. ( මේ වැඩේ කිව්වෙ Filmmaking )

මා ඇතුලුව දෙතුන් දෙනෙක්- අපි, දිගටම මේ වැඩේ ඉන්නවා.

අයියා කෙනෙක්- එහෙනම් මල්ලි මෙච්චරයි, උබලා බැදලා නෑනේ, කෙල්ලො ඉන්නවද උබලට?

මා ඇතුලුව දෙතුන් දෙනෙක්- නෑ, 

අයියා කෙනෙක්- එහෙනම් මල්ලි මෙච්චරයි, උබලා කෙල්ලො එක්ක යාලු වෙන්න එපා, බදින්නත් එපා, මොකද උබලා මේ කරන subject එක ඇතුලේ කෙල්ලෙක්ට උබලව තේරුම් ගන්න අමාරුයි, සහ උබලට ඒ කෙල්ල වෙනුවෙන් කාලය කැප කරන්න ආමරුයි, උබලා එහෙම කරලා බැන්දොත් වෙන්නෙ, තමන්ගේ ගෑනි පිට යන එක. ( මෙහෙම දිග කතාවක් ගියා )

මචන් උබලට ගැලපෙන්නෙ උබලාගෙම subject එකේ වැඩ කරන කෙනෙක්ව, එහෙම ගැලපුනු අය හිටියා. ලෙස්ටර් ජේම්ස් පීරිස් මහත්තයා සහ සුමිත්‍රා පීරිස් මහත්මිය. එහෙම කෙනෙක් හම්බෙනෙත් බන් වාසනාවට, බලපන් ඒ දෙන්නා කොච්චර හොදට හිටියද? ( කතාව දිගට ගමන් කරයි)

දැන් මොකද කරන්නෙ, මෙහෙම තනියම ඉගෙනගෙන ෆිල්ම් එකක් ගහන්න ඔට්ටු වෙනවා.... සරල ජීවිත....

පැරඩොක්ස් කතා 01

 අතහැරෙන්නේ අත්හැරෙන්න තියන දේවල් නෙවෙයි, අපිම අත්හරින දේවල්,

කාලෙකට පස්සේ පසුතැවෙන්නේ, හිතට අත්හැරුනු වටිනම දේවල්,

අමතක වෙන්නේ,හිතලා අමතක කරපු දේවල් නැත්නම් මතක තියාගන්න උත්සහ නොකරපු දේවල්,

මේ හැමදේම ආදරේකින් වැහුන පැරඩොක්ස් එකක්.

මේ හැමදේම රවුමක්.

පැරඩොක්ස් කතා 01

දම්පාට මල් 🌸

 නුඹ ඈ නිසා

දම් පාට මල් ඇති නිසා

අහඹුවක් වී ඔයා

ඇස්වලින් මිමිණුවා

බලා නොබලා ඇස් දිහා

මොනවා හිතුවද මන්දා

රෝස තොල් හැඩ නිසා

නොබලා ඉන්නට බැරිවුනා

Mini Second

 

Reflector එකකට පුලුවන්ද එහෙම ලස්සනක් බලන්න
ඒත් එහෙම වෙන්න ඇති නුඹ,
මිනි සකන්ඩ් එකකට පුලුවන්ද, වතුසුදු මලක් බලන්න
පින්න මැද වුනත් මල් පිපෙන්නේ එහෙම

ඉතින් මම වැරදිද?

 

මම මුලින්ම දැක්කේ වතුර
වතුර මැදින් මට එලියක් පෙනුනා
ඒ මොකද්ද කියලා මම ටිකක් අවදානයෙන් බැලුවා
ඒ හඳ,
පෝය දවසට පායන හඳ වගේමයි
ඒත් පෝය පහුවෙලා දවසක් ගිහින්
හඳ සම්පූර්ණයි.

මට පෝය නිසා හඳ මතක් වුනාද,
වතුර නිසා හඳ මතක් වුනාද,
මම වතුර දිහා බැලුවේ ඇයි
මට කෙලින්ම හඳ බලන්න තිබුනනේ,

කාලෙකට පස්සේ හඳ දිහා අවදානෙන් බැලුවෙ වතුරෙන් හඳ පෙනුන නිසා

ඉතින් මන් වැරදිද?

හොයන විදිය

මැදියමක හිත ගැස්සෙනා
නුපුරුදුය ලග හිනහෙනා
මුදුවකින් කල මල් හිනා
හොයන විදියට හමුවුනා

අහම්බයකි එය / එයා

ඔලුව තියාගෙන ජනේලයකට
දුකත් හිතුනා හිටිපු විදියට
ඇස්වලට හෙමිහින් වැටෙන
කෙහෙරැල්ලටයි නුඹ ලස්සනම 

පණ නැති හදවත්

ඇත්තටම මම ලියන එක නැවැත්තුවද? 

මම

ලියන එක නැවතුනාද ? එහෙමත් නැත්නම් නැවැත්තුවද ? 

උත්තර හොයලවත් වැඩක් නැති ප්‍රශ්න මෙව්වා... 

මං හිතන්නෙ , 

ඉස්සර 

දරාගන්න බැරිම දේවල්වලට දුක හිතුනම 

ඉබේ ලියවුනා...

හැබැයි දැන්, 

දරාගන්න ඕනෙ දේවල් දරාගන්නම වෙන නිසා

ලියවෙන කාලෙට වඩා 

තනියම කල්පනා කරන කාලෙ වැඩි ඇති.... 

දැන් ලියවෙන් නෑ....  

හැම කෙල්ලෙක්ම පොතක්

 මේක මට හිතුන දෙයක්...

හැම කෙල්ලෙක්ම පොතක්
කියවන්න තියන පොතක්,
ලස්සන කතන්දර තියන,ඒ කතන්දරවලට දුක හිතෙන,සමහර කතන්දරවලට බඩ පැලෙන්න හිනායන, මෝඩකම්වලින් පිරුණු කතන්දර තියන, කියවන්න තියන ලස්සන පොතක්.

සමහර පොත් අපි කියෙව්වා,හැබැයි බාගෙට, එහෙම බාගෙට කියවලා අපි කතාව ඉවර කලා
සමහර පොත් අපි මගින් කියවලා නැවැත්තුවා.
අපි අකමැත්තෙන් වුනත් කැමැත්තෙන් උනත් අපි කියවන එක නැවැත්තුවා.
එහෙම කියවලා ඉවර කරගන්න බැරි වුන පොත් ගැන සමහරු දුක් වෙනවා.
රැය පහන් කරන රාත්‍රීන් ගණන් කරන්න බැරි තරමක් පහු කරනවා.
ඒ රැයවල්වල කදුලු හලනවා...

ඉතින් සහෝදරවරුනි, අවබෝධයෙන් කියවන පුරුද්ද අපි දිගටම තියා ගමු.

මා...

අපි යන සමහර තැන් තියනවා. දවසක ඒවට අපිට යන්න වෙන්නේ මහලොකු වගකීම් ගොඩක් ඔලුවෙ තියාගෙන. හැබැයි අපි පොඩි දවස්වල නම් හරිම සැහැල්ලුවෙන් ඒ වගේ තැන් වලට යනවා.ඒ අපිට හයියක් වෙන කෙනෙක් ලග ඉදපු නිසා. ඒත් ටික ටික ලොකු වෙද්දි ඒ වගේ තැන් වලට අලුතෙන්ම පුරුදු වෙලා යන්න අපිට සිද්ධ වෙනවා.ඒත් එක්කම ලොකු වගකීම් ගොඩක් ඒ වෙනකොටත් ඔලුව උඩට වැටිලා ඉවරයි.

මට මේ කතාව මතක් වුනේ වෙනස් දේවල් කිහිපයක් නිසා. මම හිතනවා ඒ වෙනස් දේවල් මම කරන්න ඇති කියලා.
ඕනිම කෙනෙක්ට තමන්ට අමාරුම වෙලාවේ මතක් වෙන්නේ එයාලට ලගින්නම ඉන්න ඕනි කියලා හිතෙන අය. මමත් එහෙම මනුස්සයෙක් කියලා මම හිතනවා. මොකද මට පුලුවන් තරමින් මගෙ උපරිමෙන් මන් ඒ දේවල් කලා කියලා හිතෙන නිසා.
ඒ මොහොත ඇතුලත තමන්ට පුලුවන් උපරිමෙන් ඒ දේ වෙනුවෙන් කැපවෙනවා නම්,ඒක තමයි කරන්න පුලුවන් හොදම දේ. මම හිතනවා මම ඒ දේ කලා කියලා. බලාගෙන හිටියා කියලා.

වෙලාවකට මේ ගෙවෙන හැම මොහොතක්ම හිතාගන්න බැරි දේවල් වලින් පිරිලා කියලා මට හිතෙනවා. දැන් මට ඕන මේ ගෙවෙන හැම මොහොතක්ම විදින්න. මග හැරෙන්නට නොදී විදින්න.මම ඒ වෙනුවෙන් දැන් කාලය කැප කරනවා.